S’është pishman

I shumëpërfoluri, talenti gjerman, Mario Gotze, tashmë edhe zyrtarisht është prezentuar si lojtar i Bayernit. 

Njeriu i cili befasoi shumëkë kur vendosi të kalojë te gjigandi bavarez ende pa përfunduar stinori, ka thënë se është krenar me arritjen e tij, ndërsa do të jetë kënaqësi të punojë me Pep Guardiolën. 

Ish futbollisti i Borussia Dortmund, 21 vjeçari Gotze, gjithashtu ka shtuar se nuk ka qenë lehtë ta lë Dortmundin për shkak se ka qenë pjesë e tyre që nga mosha dhjetëvjeçare, por në fund të fundit nuk është pishman me vendimin e tij për të kaluar te kampioni europian, Bayern. 

Gotze që është i rregullt edhe në përfaqësuesen gjermane, ka thënë se model i tij si futbollist është argjentinasi i Barcelonës, Lionel Messi. 

Bayern Munchen i ka paguar Borussia Dortmundit 37 milionë euro për të transferuar Gotzen.