“Shabanët” në formë, Drita ngjitet

Me rezultat 1-2 në të mirë të mysafirëve u mbyll dueli i luajtur sot mes Drenicës dhe Dritës në Skenderaj.

Pjesa e parë e ndeshjes u mbyll pa gola, ndërsa të tre golat e ndeshjes u shënua në pjesën e dytë.

TABELA AKTUALE

Ishte Bujar Shabani i kampionit në fuqi të Kosovës ai që shënoi me kokë pas krosimit nga Xhevdet Shabani në minutën e 65’ të ndeshjes, për t’ia dhënë kështu epërsinë fillestare Dritës, ndërsa shifrat u ekuilibruan nga goli i Taulant Dajakut të vendasve nga pika e bardhë.

E kur u mendua që Drita do të gabonte edhe këtë xhiro, në skenë doli Xhevdet Shabani, i cili shënoi për 1-2 dhe ia dha një fitore tejet të rëndësishme skuadrës së tij.

Kjo fitore bën që Drita të largohet nga zona ‘e ftohtë’ të paktën përkohësisht, kurse Drenica pas 9 ndeshjeve ka tubuar 12 pikë.