Shaqiri s’fal, Bayern fiton

Xherdan Shaqiri ka shënuar sot golin e radhës të tij në Bundesliga pas vetëm 12 minutave në fushë. Ai hyri në minutën e 70-të në ndeshje, për ta zëvendësuar holandezin, Arjen Robben, ndërsa në të 82-tën shënoi një gol nga afërsia pas pasimit të françezit, Franck Ribery. 

Bayern ka shënuar fitore 3-0 ndaj Augsburgut që gjendet në zonën e Play Outit me 30 pikë, sa ka edhe Fortuna Dusseldorf. Humbja e Augsburgut dhe e Fortunës kanë ngjallë shpresat edhe për Hoffenheimin, që shpresojnë në mrekulli në xhiron e fundit, pasi që sot u mposhtën. 

Mbrojtësi i kombëtares shqiptare, Mërgim Mavraj, ka qenë në fushë për 90 minuta në humbjen e ekipit të tij si vendas ndaj Freiburgut. Greuter Furth i Mërgim Mavrajt dhe Ilir Azemit, që nuk u paraqit sot, tashmë ka rënë nga Bundesliga. 

Borussia Dortmund, që do të luajë në finale të Ligës së Kampionëve ndaj Bayern Munchenit, ka barazuar sot në mysafirllëk me Wolfsburgun. Dortmund ka kaluar në epërsi në minutën e pestë me golin e Sven Benderit, por Wolfsburg është përgjigjur me tre gola për 12 minuta (Ivan Perisic dy herë, 14’, 22’ dhe Naldo 26’). Por Marco Reus me golat e tij në minutat 84’ dhe 88’ ka barazuar shifrat, për të nxjerrë një pikë për mysafirët. 

BUNDESLIGA, SOT: