SPEKULIME
Shaqiri: S’mund të them asgjë
10 June, 2018 @14:46
Pasi skuadra e tij, Stoke City, ra nga elita e futbollit anglez, Xherdan Shaqiri pritet të transferohet diku tjetër.
Javëve të fundit kanë filluar spekulimet për një transferim të mundshëm të tij te Liverpooli, ndërsa për këtë gjë ka folur pikërisht lojtari në fjalë.
“Nuk mund të them asgjë. Për të ardhmen time do të flasim më vonë. Momentalisht jam i përqendruar te përfaqësuesja e Zvicrës dhe Botërori i Rusisë.”
Përveç Liverpoolit, thuhet se për Shaqirin të interesuar janë edhe Evertoni, Tottenhami e Southamptoni, teksa klauzolë e tij është rreth 15 milionë euro.
