Čeferin: Vokrri çelës i pranimit të Kosovës në UEFA

Pak më parë edhe faqja zyrtare e UEFA-së ka plasuar lajmin për vdekjen e kryetarit të FFK-së, Fadil Vokrri.

Duke e quajtur si futbollist dhe administrator të jashtëzakonshëm, UEFA ka dalë me titull ngushëllues për kreun e FFK-së, Vokrri.

Ndërsa në fjalët e kreut të UEFA-së, Aleksandar Čeferin, ka thënë:

“Jemi të shokuar dhe thellë të tronditur me lajmin për vdekjen e Fadil Vokrrit. Ai ka qenë futbollist i jashtëzakonshëm, që ka gëzuar një karrierë të shquar futbollistike, por është dalluar edhe si administrator sporti dhe kryetar i FFK në nivel të lartë. Fadil Vokrri ishte figura kryesore që çoi FFK-në drejt anëtarësimit në UEFA në vitin 2016. Prej atëherë, ai ka udhëhequr me integritet brenda UEFA-së FFK-në me aftësitë e tij.”