Shërohet Dybala

Pasi që iu paraqit dy herë coronavirus, më në fund duket që argjentinasi i Juventusit Paulo Dybala është shëruar.

Këtë e ka konfirmuar vetë klubi kampion i Italisë duke lëshuar komunikatë të shkurtë e të qartë para pak çastesh.

“Paulo Dybala sipas protokollit ka bërë testim të dyfishtë për COVID-19. Të dyja testet kanë rezultuar negative. Me këtë lojtari tashmë është shëruar dhe nuk do të jetë në vetizolim,” ka thënë Juventus në faqen zyrtare të klubit.