Shkarkohet Antonio Conte

Pas përfoljeve disa ditëshe, Antonio Conte, është shkarkuar nga pozita e trajnerit të Chelseat, ka bërë të ditur BBC Sport sot.

Italiani 48 vjeç, që kishte vetëm edhe një vjet për të përmbushur kontratën e tij trevjeçare me Chelsean, është larguar me një titull kampioni dhe me një FA Kupë të fituar me ekipin e Chelseat.

Në stinorin 2017/18 ai fitoi FA Kupën e Anglisë, por përfundoi stinorin në pozitën e pestë, duke mos arritur kualifikimin për në Ligë të Kampionëve, që besohet të ketë qenë arsyeja kryesore për shkarkimin e tij.

Conte pritet të zëvendësohet nga trajneri i deritashëm i Napolit, Maurizio Sarri.

Nëse Sarri emërohet trajner i Chelseat, ai do të jetë trajneri i nëntë me kontratë të plotë prej se Roman Abramovich bleu klubin në vitin 2003.