KROACIA - ANGLIA
Kroaci historike, në finale
11 July, 2018 @22:41
Për herë të parë në histori, Kroacia ka arritur finalen e Botërorit.
Me fitore ndaj Anglisë, 2-1, pas vazhdimeve, duke përmbysur epërsinë e hershme të tre luanëve, kroatët kanë arritur të shkruajnë historinë e vendit.
Ivan Perisic barazoi në minutën e 68-të të ndeshjes rezultatin në 1-1, pas epërsisë së hershme angleze nga Kieran Trippier në minutën e pestë.
Prej momentit të barazimit, në fushë ishte vetëm një ekip. Kroacia sulmoi, luajti dhe kërkoi me çdo atom finalen, të cilën e arriti në vazhdime, pas golit të Mario Mandzukicit në minutën e 109-të.
Në finale, Kroacia do të kërkojë titullin e parë të Botës ndaj Francës me 15 korrik.
