REAL
REUTERS/Phil Noble
Shkëlqimi i Lopezit
6 March, 2013 @10:46
Diego Lopez, portieri i Real Madridit që erdhi shpejtë-e-shpejtë nga Sevilla në Real Madrid, pasi që këtyre të fundit iu lëndua Iker Casillas, ka qenë i jashtëzakonshëm mbrëmë në ndeshje ndaj Manchester Unitedit.
Këtë gjë, shumë pak lojtarë e arrijnë - adaptimin dhe ngritjen e menjëhershme në ekipin e ri. Lopez gjithashtu ka qenë madhështor edhe në ndeshje ndaj Barcelonës, si në Kupën e Mbretit ashtu edhe në La Liga.
Në ndeshjen e mbrëmshme ndaj Manchester Unitedit, të cilin e fitoi Real Madrid, Diego Lopez ka bërë pesë intervenime të mrekullueshme ndaj Danny ëelbeck, Robin Van Persie (dy herë), Michael Carrick dhe Nemanja Vidic.
Diego Lopez është 31 vjeçar dhe ka qenë portier i Villarealit derisa ata ranë në Segunda Division, prej kur kaloi në Sevilla. Dhjetë vite më parë, ai ka qenë portier i Real Madrid B-së.
FAKT:
| Diego Lopez ka qenë dy stinorë në Real Madrid (2005/06 dhe 2006/07) para kalimit në Villareal, duke regjistruar vetëm dy paraqitje. |
