Shkëndija arrin fazën play-off

Të favorizuar nga fitorja 2-0 e arritur në shtëpi javën e kaluar, Shkëndija është kualifikuar për në fazën playoff të Europa Leagues, përkundër humbjes 1-0 të pësuar sonte nga skuadra e Mlada Boleslavit.

Përkundër disa rasteve, rezultati i pjesës së parë ishte 0-0, ndërsa golin vendasit e gjetën në minutën e 82’, mirëpo kjo ishte e tëra çfarë ata mund të bënin në këtë takim, me Shkëndijën që u tregua e fortë fizikisht dhe e arriti kualifikimin e merituar.

Kundërshtari i fazës play-off, fazë kjo e fundit drejt kualifikimit në grupe, do të kuptohet në shortin që mbahet nesër (e premte) në Nyon të Zvicrës.