Shkëndija me përmbysje mbron distancën

Nëkampionja aktuale e Maqedonisë, Shkëndija, ka arritur që të shënojë fitore me përmbysje ndaj Skopjes dje në Shkup, për të ruajtur distancën ndaj ekipeve ndjekëse në elitën e futbollit të këtij vendi.

Mishevski i kishte dhënë epërsinë Skopjes në minutën e 20-të, por Ibraimi barazoi pak para fundit të pjesës së parë (39’) në 1-1, ndërsa 10 minuta para fundit të ndeshjes, kapiteni Ferhan Hasani dha fitoren e rëndësishme, 1-2 dhe tre pikët që mbajtën distancën e kuqezinjëve ndaj ndjekësve.

Shkëndija aktualisht pas 7 xhirove të para ka 19 pikë në Ligën e Parë të Maqedonisë, me 5 pikë më shumë se ndjekësi i parë Akademija Pandev që ka 14 pikë.

Kuqezinjtë e Tetovës për herë të parë dhe të fundit kanë qenë kampionë të Maqedonisë në stinorin 2010/11, ndërsa në dy stinorët e fundit ka përfunduar si nënkampion.