GRUPI H
REUTERS
Shkolla e Ajaxit
26 November, 2013 @23:01
Ajax i legjendës holandeze, Franck De Boer, i ka dhënë shkollë sonte Barcelonës duke e mposhtur me rezultat 2-1.
Loja e mirë e të rinjëve holandez të udhëhequr nga ish lojtari i Barcelonës, De Boer, ka rezultuar me sukses, e për më tepër, ky sukses duhet të vlerësohet edhe më shumë kur kihet parasysh se gati tërë pjesën e dytë ata e luajtën me 10 lojtarë në fushë.
Mungesa e Leo Messit, Victor Valdesit dhe Sergio Busquetsit në formacion, sa për shkak të lëndimeve sa për taktikë, ka bërë Barcelonën të vuajë dhe përkundër uljes së epërsisë nga penalltia e Xavit, katalonasit nuk mundën t’i shmangen humbjes së parë në Grupin H.
Me këtë disfatë, Barcelona tani nuk e ka të sigurtë as vendin e parë në grup, derisa Ajax do të udhëtojë në ndeshjen e radhës për në San Siro në ndeshjen e ‘Të jesh apo të mos jesh’.
TABELA AKTUALE GRUPI H:
| 1 | Barcelona | 10 pikë | ||
| 2 | Milan | 8 pikë | ||
| 3 | Ajax | 7 pikë | ||
| 4 | Celtic | 3 pikë |
