Shkupi mposht edhe Boracin

Skuadra e Shkupit, që po zhvillon përgatitjet para pjesës së dytë të stinorit në Ohër, ka mposhtur sot ekipin serb, Borac nga Çaçaku me rezultat 3-1 për të përfunduar kështu me miqësore.

Tash, prej 5 miqësoreve të zhvilluara në total, Shkupi ka shënuar 4 fitore, ndërsa humbjen e vetme e ka pësuar nga Renova dhe atë në miqësoren e parë.

RRJEDHA DHE GOLASHËNUESIT

Borac avancoi 0-1, por ekipi nga Çairi përmbysi gjithçka brenda 45 minutave të para, duke e bërë rezultatin 2-1 me golat e Emedin Ademit dhe Fisnik Zukës.

Përforcimi i ri i skuadrës, Jasir Asani, asistoi te të dy golat.

Në pjesën e dytë fitoren e Shkupit të drejtuar nga Ardian Nuhiu e vulosi Muharem Bajrami, që shënoi prej 25 metrash një gol të bukur.