COPA DEL REY
Sergi Roberto dhe Luis Suarez, të skuqurit e Barcelonës në gjysmëfinale
Suspendohen nga finalja
8 February, 2017 @0:49
Për shkak të kartonëve të kuq të marrë në përballjen gjysmëfinale ndaj Atletico Madridit, sulmuesi i Barcelonës, Luis Suarez dhe mesfushori i katalonasve, Sergi Roberto, do të mungojnë në ndeshjen finale të Kupës së Mbretit.
Të dy, kanë qenë të ndëshkuar me nga një karton të verdhë në pjesë të parë të ndeshjes, ndërsa në pjesë të dytë e kanë marrë edhe nga një, për tu përjashtuar nga loja.
Barcelona eliminoi Atletico Madridin pas dy ndeshjeve me rezultat të përgjithshëm 3-2, ndërsa në finale pret fituesin e duelit Deportivo Alaves - Celta de Vigo.
