Short stimulues

Shorti i sotëm për Botërorin Rusia 2018 vuri Shqëipërinë në Grupin G, me dy superfuqi futbolli si Spanja e Italia. 

Por, trajneri italian i kombëtares Gianni De Biasi, nuk i nënvlerëson as kundërshtarët tjerë. 

“Do të luajmë me të gjithë. Na pret një sfidë e vështirë. Do të rritemi duke luajtur dhe në fund do të shohim se kush do të kualifikohet. Nuk i nënvlerësoj aspak rivalët e grupit, jo vetëm Spanjën e Italinë, por as Maqedoninë e Izraelin. Të themi kështu: na ka rënë një short sfidues dhe stimulues,” ka thënë De Biasi për mediat pas shortit të tërhequr sot në Shën Petersburg të Rusisë.