Arsenali shkatërron Lyonin

Arsenali po dëshmon se është në formë të lartë para fillimit të stinorit të ri duke e treguar këtë në ndeshjen e sotme përgatitore kundër skuadrës françeze, Lyon.

Topxhinjtë e mposhtën kundërshtarin e tyre me rezultat të thellë, 6-0, duke e shkatërruar në çdo aspekt ekipin françez.

Seria e golave filloi me sulmuesin Olivier Giroud, për të vazhduar më pas me Alex Oxlade-Chamberlain, Alex Iwobi dhe Aaron Ramsey, ku të gjithë këta ishin golashënues në pjesë e parë.

Rrebeshi i golave vazhdoi edhe në pjesën e dytë me anë të Mesut Ozilit dhe Santi Cazorlas, për rezultatin përfundimtar 6-0.

Arsenali miqësoren e radhës dhe të fundit para stinorit të ri do ta zhvillojë nesër, ku do të takohet me skuadrën gjermane Wolfsburg.