Shpërthim në pjesë të dytë, Drenica ia shkakton humbjen e parë Dinamos

Dinamoja e Ferizajit, që është lidere e Grupit A të Ligës së Parë ka pësuar humbjen e parë të stinorit pas 11 xhirove pa të, duke dalë kokulur nga “Bajram Aliu” i Skenderajit, ku Drenica dominoi në pjesë të dytë për të fituar duelin thellë: Drenica 3-0 Dinamo [M. Ajeti 51’, A. Hamiti 53’, Visar Berisha 90’].

Me fitore, Drenica del në pozitë të katërt të renditjes tabelare, ndërsa ka 19 pikë nga 12 ndeshje. Dinamoja është ende lidere e qetë, me 27 pikë nga 12 ndeshje.