Shpresat dardane arrijnë në Londër

Futbollistët e rinj të kombëtares së Kosovës kanë arritur në Londër pak më parë. Ekspedita e Kosovës U21 ka udhëtuar nga “Adem Jashari” për rreth tri orë për të arritur në kryeqytetin anglez me aeroplanin e wizzair.

Kosova U21 e Anglia U21 janë pjesë e Grupit G kualifikues për EURO 2023 të këtyre moshave, ndërsa pos tyre në grup janë edhe Shqipëria U21, Çekia U21, Sllovenia U21 dhe Andorra U21.

Ndeshja e nesërme do të jetë e para për Anglinë U21 dhe luhet në orën 20:00 në MK Stadium të Milton Keynes, kurse Kosova U21 ka luajtur një ndeshje deri tash dhe atë e ka mposhtur Andorrën U21 me rezultat 2-0.

“Në orën 19:00 sonte Kosova U21 do të zhvillojë stërvitjen e fundit para ndeshjes në stadiumin ku luhet loja,” ka bërë të ditur FFK-ja.

Selektori i Dardanëve të rinj Michael Ness për këtë ndeshje ka grumbulluar këta lojtarë:

Leo Besson (Servette), Andi Hoti (Inter), Valon Zumberi (Hamburg), Bujar Pllana (Feronikeli), Florent Hoti (Dundee Utd.), Ismet Lushaku (Eskelstuna), Valmir Veliu (Llapi), Edi Sylisufaj (Sirius), Flamur Gashi (Malisheva), Leard Sadriu (Skenderbeu), Florian Hoxha (Grasshoper), Erion Sadiku (Genoa), Adrion Pajaziti (Fulham), Altin Zeqiri (Lahti), Veton Tusha (Denizli), Mark Marleku (Kriens), Egzon Bislimi (Ramiz Sadiku), Edvin Kurtulus (Halmstads), Albion Pllana (Trepça’89), Kreshnik Krasniqi (Stromsgodset), Altin Kryeziu (RE Virton), Diamant Berisha (Schalke), Ardit Tahiri (Drita).