Shqipëria-Armenia (Live)

Shiko tabelat aktuale të grupeve në kualifikimet për EURO 2016.

PËRFUNDON NDESHJA. Fitore e merituar e Shqipërisë në përballje me Armeninë.

90’ - KARTON I VERDHË. Ndëshkohet Çikalleshi.

90’ - Tre minuta lojë shtesë deri në përfundim të takimit.

90’ - SHTYLLA. Armenia pranë golit të barazimit. Topi ndalet në shtyllë.

86’ - KARTON I VERDHË. Ndëshkohet Arzumanyan.

84’ - KARTON I VERDHË. Ndëshkohet Kukeli.

81’ - Lenjan kroson nga e majta, derisa Gashi me kokë e përfundon topin në portën armene.

81’ - GOOOOOL. Shkelzen Gashi shënon për 2-1.

78’ - Raste të njëpasnjëshme nga Shqipëria. Lenjani i pasaktë para portierit Berezovskiy.

77’ - Mërgim Mavraj shënon me kokë, pas krosimit të Taulant Xhakës.

77’ - GOOOOOL. Barazohet rezultati.

74’ - Movsisyan rrezikon portën e Berishës. Goditja e tij nga afërsia përfund në aut.

73’ - SHTYLLA. Super goditje nga Çikalleshi. Topi ndalet te shtylla. Berezovskiy përsëri me fat.

71’ - Shqipëria shumë afër golit. Goditje me vole nga Mërgim Mavraj. Portieri Berezovskiy e ndal topin mbi vijën fatale.

70’ - KARTON I KUQ. Hambardzumyan përjashtohet nga loja pas kartonit të dytë të verdhë.

68’ - Ndërim edhe tek kuqezinjtë. Odise Roshi ia lë vendin Hamdi Salihit. 

67’ - Ndërim tek ekipi i armenëve. Nga loja largohet sulmuesi Manucharyan, derisa në lojë futet mesfushori Hovhannisyan.

64’ - Shkelzen Gashi godet nga gjuajtja e lirë në drejtim të portës, por topi përfundon në aut.

63’ - Mesfushori armen, Pizzelli, tenton ta befasojë Etrit Berishën duke goditur nga një distancë e largë, por topi përfundon pak mbi portë.

58’ - Sokol Çikalleshi mbetet i shtrirë brenda zonës së rreptësisë duke kërkuar penallti, por gjyqtari mbetet i heshtur.

52’ - Rasti i parë në pjesën e dytë për Shqipërinë. Agolli kroson në zonë, por topi i goditur me kokë nga Lenjani përfundon jashtë porte.

46’ - Shqipëria fillon me dy zëvendësime në formacion. Përforcohet reparti sulmues me inkuadrimin në lojë të Shkelzen Gashit që hyri në vend të Amir Abrashit, derisa Ermir Lenjani u inkuadrua për ta zëvendësuar Ledian Memushajn.

46’ - Fillon pjesa e dytë

______________________________________________________________

45’ - Përfundon pjesa e parë. Goli i vetëm nga Movsisyan përcakton rezultatin e pjesës së parë.

45’ - Harkim i bukur nga Agolli, Çikalleshi godet me kokë, por topi ndalet në duart e portierit Berezovskiy.

45’ - Gjyqtari tregon për një minutë lojë shtesë deri në përfundim të pjesës së parë.

41’ - Një nga rastet e rralla të rrezikshme nga Armenia. Ghazaryan depërton nga e majta duke e dribluar Hysajn, mirëpo krosimi i tij mbetet pa adresë.

38’ - KARTON I VERDHË. Mesfushori i Armenisë Marcos Pizzelli ndëshkohet me karton të verdhë pasi ndërhyn në mënyrë të palejuar ndaj Mërgim Mavrajt.

34’ - SHTYLLA. Sokol Çikalleshi rëmben topin në mesin e fushës për ta filluar një solo akcion. Depërton brenda zonës në përcjellje të mbrojtësit armen, për të goditur fuqishëm me të majtën, mirëpo topi ndalet në shtyllë, për të dalur më pas në aut.

28’ - Rritet dominimi në lojë i futbollistëve kuqezi, mirëpo porta e portierit Berezovskiy mbetet e paprekshme deri më tani.

23’ - Harkimi i rrezikshëm nga e djathta e Odise Roshit brenda zonës, por para Xhakës intervenon mbrojtja armene.

20’ - KARTON I VERDHË. Lorik Cana ndëshkohet me karton të verdhë pasi e ndali në mënyrë të palejuar një akcion të armenëve të filluar nga krahu i majtë.

18’ - Tjetër rast i rrezikshëm për Shqipërinë. Përsëri Agolli kroson nga e majta, mirëpo topi i goditur me kokë nga Amir Abrashi përfundon shumë pranë jashtë porte.

15’ - Rasti i parë për Shqipërinë. Në një krosim nga e majta e Ansi Agollit, Taulant Xhaka goditi me kokë, mirëpo topi përfundoi në aut.

11’ - Sokol Çikalleshi rëmben topin pranë zonës së rreptësisë, mirëpo para se të filloj akcioni i kuqezinjëve gjyqtari referon për ndërhyrje të palejuar.

4’ - Yura Movsisyan shënon nga afërsia pas asistimit nga Henrikh Mkhitaryan.

4’ - GOOOL. Akcioni i parë nga armenët përfundon me gol.

18:00 - Fillon ndeshja.Topi i parë tek futbollistët armenë.

______________________________________________________________

17:55 - Skuadrat kanë dalur në fushë për t’u prezentuar. Për momentin po intonohen himnet kombëtare.

17:35 - Tribunat e stadiumit Elbasan Arena tashmë janë mbushur përplotë dhe presin fillim e ndeshjes ndërmjet Shqipërisë dhe Armenisë.

17:10 - Futbollistët kanë filluar t’i bëjnë nxemjet para ndeshjes.

FORMACIONET ZYRTARE