DUELI I DITËS, SHTYHET PËR SHKAK TË RRESHJEVE
Pamje nga arikivi
Shtyhet dueli i ditës
22 November, 2015 @12:45
Përmes një njoftimi në faqen zyrtare të ekipit, Hajvalia, ka bërë të ditur se edhe zyrtarisht është shtyer ndeshja e Superligës, ndërmjet Hajvalisë dhe Trepçës’89, që ishte duel i ditës së sotme në elitë.
Dueli ndërmjet ekipeve që zënë pozitat 4 dhe 5 në tabelë dhe e rëndësishme për ngritje në klasifikim e për dimër të rehatshëm, do të luhet një ditë tjetër dhe kjo ende nuk është caktuar.
Njoftimi thotë se ndeshja mund të luhet të mërkurën që vjen, por kjo nuk është zyrtare ende.
Shiu i madh që nisi dje dhe sot po vazhdon edhe me më shumë vëllim, ka bërë që stadiumi i Kishnicës, edhe ashtu i vështirë për lojë - të bëhet i pamundur plotësisht për zhvillim të një ndeshjeje normale me kushte minimale.
