MEDIA
REUTERS
Simeone bisedon me Tottenhamin
29 December, 2013 @23:13
Tottenham Hotspur, posa ka emëruar zyrtarisht Tim Sherëoodin në krye të ekipit, duke i ofruar atij një kontratë 18 muajshe.
Mirëpo, njeriu që po e zëvendëson Andres Villas-Boasin mund të mbetet pa punë në fund të këtij stinori, pasi që e përditshmja britanike, Daily Star, beson se interesimi i vërtetë i Tottenhamit është Diego Simeone.
Argjentinasi Simeone që po korr sukses të madh me Atletico Madridin, duke i bërë ballë Barcelonës dhe Real Madridit në Spanjë, përkundër buxhetit shumë më të vogël të ekipit është në krye të listës së interesimeve të ekipit nga veriu i Londrës.
Gazeta gjithashtu bën të ditur se Simeone i ka bërë të ditur londinezëve se nuk do ta lë Atleticon në mes të stinorit, por në verë puna mund të kryhet, konkludon Daily Star.
