S’ka Arsenal pa Wengerin

Fillimi më i keq i stinorit me Arsenalin pas sa e sa viteve e bëri shumëkë që të thotë a është Wenger ai person me të vërtetë apo jo. E kritikuesit e tij nuk mund të presin rast tjetër.

Mirëpo, legjenda e futbollit, Johan Cruyff mendon ndryshe.

“Nuk mund të imagjinojë që bordi dhe tifozët e klubit mund të mendojnë për largimin e Wengerit. Për mua është e pabesueshme se si Arsenali çdo vjet është në garën më të lartë të nivelit europian dhe në TOP 4 të Premier League - derisa asnjëherë nuk ka borxhe,” u ka thënë Cruyff reporterëve, njofton portali Soccerway.

“Më duket se njerëzit nuk i kuptojnë arritjet e tij. Wenger gjithmonë do ta sjellë Arsenalin në krye,” ka shtuar Cruyff.

“Sa klube në Europë mund të thonë se janë kualifikuar 16 herë radhazi në Ligën e Kampionëve pa ndërruar asgjë në menaxhment? Arsene ka lënë jetën dhe shpirtin te Arsenali,” ka thënë ndër të tjera ish futbollisti i dikurshëm dhe trajneri i Barcelonës, Cruyff.