RAPTORS - PACERS
FOTO / nba
Skuadra e parë me 30 fitore
7 January, 2019 @10:41
Skuadra kanadeze, Toronto Raptors, duke e mposhtur Indiana Pacersin me rezultat 121-105, u bë skuadra e parë sivjet me 30 fitore.
Në këtë ndeshje nuk luajti super ylli Kawhi Leonard për Toronton, derisa u rikthye ylli Kyle Lowry nga lëndimi.
Tetë lojtarë shënuan pikë dyshifrore te Raptors, derisa prej tyre më i dalluari ishte Norman Powell me 23 pikë të shënuara.
Te Indiana më i veçuari ishte kroati Bojan Bogdanovic me 21 pikë e 9 kërcime.
Kjo ishte fitorja e 30 e Torontos krahas 12 humbjeve që i kanë dhe gjenden në krye të Konferencës Lindore, derisa Indiana me 26 fitore e 13 humbje gjendet në pozitën e tretë në këtë Konferencë.
