Sokoli, largohet nga Prishtina

Mjaftuan tre xhiro pa fitore për ekipin bardhekaltër që të largohet trajneri, Bylbyl Sokoli. 

“Prishtina dhe Bylbyl Sokoli kanë arritur marrëveshje të dyanshme për shkëputje të kontatës, ndërsa klubi i shpreh mirënjohje për punën e bërë deri më tani,” ka shkruar ndër të tjera faqja zyrtare e ekipit bardhekaltër sot. 

Sokoli kishte marrë drejtimin e Prishtinës më 7 korrik të vitit të shkuar dhe pas 9 muaj e gjysmë punë, u largua nga skuadra. 

Prishtina gjithashtu ka paralajmëruar se nesër mund të bëj të ditur emrin e trajnerit të ri të skuadrës në një konferencë për shtyp.