INFO
CAS nuk jep përgjigje më
20 April, 2015 @19:39
Gjyqi Arbitrat Sportiv me seli në Lausanne të Zvicrës ka bërë të ditur se gjyqtarët e këtij institutcioni janë në shqyrtim e sipër të dëshmive e deklaratave të dëgjuara nga paneli.
Faqja zyrtare e CAS ka bërë të ditur se deri sa të dalin me vendim final lidhur me këtë çështje, nuk do të komentojnë zyrtarisht asgjë për këtë rast.
Për më tepër, CAS ka bërë të ditur se vendimi pritet të dalë në shesh para ndeshjes së radhës kualifikuese të këtij grupi, më 13 qershor 2015, kur Serbia takohet me Danimarkën.
Ndeshja Serbi-Shqipëri e zhvilluar në Beograd ishte ndërprerë për shkak të sulmit të tifozëve ndaj futbollistëve shqiptar në fushë. Mirëpo, UEFA-ja përkundër rregullave të saja, i kishte lënë më shumë faj fluturakes me flamur, që gjithashtu është përgjegjësi e organizatorit, duke e dënuar rëndë Shqipërinë.
Shqipëria ka humbur këtë ndeshje me rezultat zyrtar pas vendimit të UEFA-së, derisa Serbisë i ishin hequr 3 pikë.
Të dyja vendet janë ankuar në CAS duke kërkuar 3 pikët nga kjo ndeshje.
