Liverpool dështon të arrijë finalen

Fjalët e trajnerit të posa ardhur te Aston Villa, Tim Sherwood, janë vërtetuar edhe sot. 

Ekipi i tij ka arritur të shënojë fitore në gjysmëfinale të FA Cup ndaj Liverpoolit favorit, për të arritur finalen e madhe ku i pret Arsenali. 

“Asnjë ekip tash e tutje nuk do të kalojë lehtë kur luan kundër Aston Villës,” kishte thënë Sherwood një javë pasi që kishte marrë drejtimin e ekipit të rrezikuar për rënie nga Premier League. 

E Liverpool, edhepse morri epërsinë në takim përmes Philippe Coutinhos, në pushim ka shkuar me barazim pasi që belgu Christian Benteke kishte barazuar. 

E në pjesë të dytë, Fabian Delph shënoi edhe njëherë për ekipin nga Birmingham, që siguroi finalen e madhe të Kupës së Anglisë.