GJILAN
Fitore e madhe e Lirisë
19 April, 2015 @16:14
Liria ka vazhduar formën perfekte në pjesën pranverore të Ligës së Parë duke shënuar fitoren e radhës.
Kjo e sotmja ka qenë edhe më e rëndësishme pasi që ekipi bardhezi nga Prizreni ka luajtur kundër njërit ndër kandidatëve kryesorë për Superligës, Gjilanit.
Edhepse Gjilani morri epërsinë në takim në minutën e 30-të përmes Shkëmbim Salihut, prizrenasit kanë arritur të barazojnë në pjesë të parë dhe më pas edhe të shënojnë golin e fitores përmes Qëndrim Gashit, i cili u shërbye nga i mahnitshmi, Liridon Fetahaj.
Një moment i shëmtuar u shënua në këtë takim kur 11 minuta para fundit të takimit, trajneri i Lirisë, Skender Shengyli, u qëllua me shishe nga një tifoz i pandërgjegjshëm dhe pas ndërprerjes 10 minutëshe ndeshja vazhdoi për të fituar prizrenasit në fund.
Me këtë fitore, Liria kërcen në pozitën e dytë të klasifikimit.
