Modric mungon 6 javë!

Mesfushori kroat, Luka Modric, që po kalon stinorin e tretë te Real Madridi pësoi një lëndim në ndeshjen e djeshme ndaj Malagas, të cilën ekipi i tij e fitoi 3-1. 

Ndeshja Real Madrid - Malaga

Edhepse ekipi i Real Madridit nuk ka bërë të ditur ende zyrtarisht kohëzgjatjen e lëndimit, e përditshmja sportive, AS, ka bërë të ditur se kroati 29 vjeç do të mungojë për 6 javët e ardhshme, pasi që ka lënduar ligamentet. 

Modric ka pasur deri më tani 16 paraqitje për Real Madridin në La Liga, duke shënuar një gol. Ai gjithashtu ka regjistruar 6 paraqitje për madrilenët në Ligë të Kampionëve. 

Deri në fund të stinorit në La Liga kanë mbetur edhe 6 xhiro, derisa Reali aktualisht është në çerekfinale të Ligës së Kampionëve.