‘Tensioni për fitore, ngarkesë psikike’

Trajneri i skuadrës së Prishtinës, Bylbyl Sokoli, në deklaratën e tij pas ndeshjes Prishtina-Vëllaznimi, që përfundoi me barazim 0-0 ka thënë se ngarkesa psikologjike për të shënuar gol sa më shpejtë iu hakmorr në lojë të ekipit. 

“Kundërshtari u mbrojt mirë, kurse tensioni për të arritur fitore ishte një ngarkesë psikologjike. Nuk jam i kënaqur me rezultat, kuptohet, por më mirë është të kërkohet loja se sa rezultati, sepse me lojë do të vije edhe rezultati. Nuk jam i kënaqur me lojën mu përshkak asaj se tensioni ishte i madh për fitore. Por, nuk mund të them që s’kemi pasur lojë, por tensioni i lojës që me çdo kusht të shënohet goli. Andaj ky tension ishte shumë i shprehur edhe sot,” ka thënë ndër të tjera, Sokoli, tranmeton faqja zyrtare e klubit bardhekaltër. 

Prishtina me këtë barazim ka rënë në vend të tretë të klasifikimit, derisa tashmë tre xhiro nuk ka shijuar fitoren duke mbetur 8 pikë pas Ferronikelit lider dhe 2 më pak se Besa që gjindet mbi ‘ta.