THE REDS
Sterling në Xhamajkë, Liverpool fiton
10 January, 2015 @15:50
Liverpool ka arritur të shënojë fitore në mysafirllëkun e vështirë te Sunderlandi sot.
Në anën tjetër, vendimi i Brendan Rodgers për t’i dhënë pushim Raheem Sterlingut këtë javë, shpëtoi për të mirë pasi që serbi Lazar Markovic shënoi golin vendimtar të ndeshjes dhe ia solli 3 pikë Liverpoolit.
Sterling po kalon pushimet në Xhamajkë, ndërsa Liverpool luajti në një mot me frymë të madhe dhe të ftohtë, por në fund arriti të dalë fitues, përkundër se Adam Johnson i Sunderlandit goditi shtyllën për ekipin e Gus Poyetit në pjesë të dytë.
Shpresat e vendasve për një pikë morrën fund me përjashtimin e Liam Bridcuttit që në minutën e 50-të u ndëshkua me kartonin e verdhë të dytë.
