B'MOUTH vs CITY
Sterling përsëri shpëtimtar i Cityt
26 August, 2017 @15:29
Raheem Sterling përsëri është treguar vendimtar për skuadrën e tij, pasi që shënoi gol në minutat e tejzgjatura të ndeshjes Bournemouth - Manchester City, për 1-2 dhe për t’ia sjellë fitoren e dytë ekipit të Pep Guardiolës.
Sterling, kishte shënuar edhe në xhiron e kaluar për të shpëtuar Cityn nga humbja në duel me Evertonin, ndërsa sot shënoi për fitore, pasi që pas golit të shënuar nga Charlie Daniels 1-0, kishte barazuar Gabriel Jesus në 1-1 dhe për mbi 70 minuta nuk kishte ndryshim në rezultat.
Me këtë fitore City merr kryesimin aktualisht në klasifikim, derisa ndeshjet tjera zhvillohen më vonë, kurse Bournemouth që ishte shumë afër pikës së parë të stinorit, përsëri dështoi të merr një.
