Miran Maksuti për 3 pikë të Llapit

Në ndeshjen hapëse të xhiros së dytë në Superligë, skuadra e Llapit ka shënuar fitore me shumë mund në takimin e luajtur ndaj Vllaznisë së Pozheranit në Gjilan.

Ndeshja kaloi me raste për shënim nga të dyja skuadrat, mirëpo fitoren dhe pikët e plota i mori Llapi falë golit të Miran Maksutit në minutën e 87’ të takimit.

Pak para golit, llapjanët shpërdoruan një penallti, me Mentor Zhdrellën i cili u tregua i pasaktë nga pika e bardhë. Gjithashtu, duhet përmendur fakti që dy minuta pas penalltisë së shpërdoruar nga mysafirët, trajneri i vendasve, Bekim Isufi, u përjashtua nga gjyqtari kryesor i ndeshjes për shkak të protestave.

TABELA AKTUALE SUPERLIGA

Me këtë fitore skuadra e drejtuar nga Tahir Batatina ka 6 pikë pas 2 xhirove, kurse Vllaznia debutuese në Superligë mbetet akoma pa pikë.