ASTON VILLA
Steven Gerrard kthehet në Premier League
11 November, 2021 @11:07
Njëri ndër futbollistët më të mirë që ka pasur Anglia, legjenda e Liverpoolit Steven Gerrard, po i kthehet Premier League.
Ai sot është emëruar si trajner i ri i Aston Villës dhe 41-vjeçari do t’ia nis punës menjëherë, pasi që ditë më parë ekipi nga Villa Park largoi trajnerin e deritashëm të saj Dean Smith, pas tri vitesh aty.
Gerrard pas trajnimit në Akademinë e Liverpoolit nisi karrierën si trajner në Rangers të Skocisë, ndërsa në sezonin e kaluar ekipi i tij u bë kampion pa asnjë humbje përgjatë stinorit.
Gerrard punoi te Rangers prej vitit 2018.
“Përgjatë diskutimeve tona ka qenë shumë e qartë që ambiciet tona, filozofia jonë dhe vlerat përputhen plotësisht,” ka thënë Christian Purslow, shef ekzekutiv i Aston Villa.
