Lirisë, bar sintetik me cilësi të lartë

Lidhja Rajonale e Futbollit (LRF) në Prizren përmes një njoftimi të lëshuar sonte ka bërë të ditur se bari i ri sintetik që po shtrohet në stadiumin Përparim Thaçi të Prizrenit është i cilësisë së lartë.

“Ka disa vite që futbollistët Prizrenas janë ankuar vazhdimisht për kushtet e vështira të stadiumit sa i përket barit sintetik shumë të dobët dhe të dëmtuar e si rezultat i saj shfaqeshin edhe shumë lëndime tek futbollistët. Si rezultat i saj, stadiumi i qytetit tanimë ka tapetin e ri me bari artificial të kualitetit të lartë,” ka shkruar ndër të tjera në njoftimin e lëshuar nga LRF Prizren.

Liria përndryshe qe sa vite është pjesë e Ligës së Parë të Kosovës në futboll dhe as që ka shpresa për t’iu rikhtyer elitës. Prizrenasit paksa janë këndellur në dy xhirot e fundit duke shënuar dy fitore dhe për të dalë nga pjesa e fundit e renditjes tabelare.