CAMP NOU
Su4rez rikthen kreun
23 April, 2016 @22:08
Gjashtë gola, katër herë Suarez, tre penallti, tre pikë të reja dhe në fund, vendi i parë.
Barcelona me fitoren e thellë sonte ndaj Sporting Gijonit, është rikthyer në pozitën e parë të radhitjes tabelare, të cilën përkohësisht e mbante Atletico Madridi.
Luis Suarez shkëlqeu përsëri, duke shënuar për herë të dytë rresht katër gola në ndeshje, si dhe njëkohësisht duke e regjistruar ‘hat-trick’un e tij të 25-të në karrierë.
Dy golat e tjera të Barcelonës u shënuan nga Leo Messi dhe Neymar, për t’ia vënë në fund të ndeshjes përsëri nënshkrimin me inicialet MSN.
Tabela aktuale
Barça tani kryeson në radhitjen tabelare me 82 pikë, aq sa ka edhe Atletico, i cili megjithatë renditet në pozitën e dytë për shkak të golaverazhit më të dobët.
