Suarez debuton ndaj Realit

Sulmuesi i shumëpërfolur uruguajan, Luis Suarez, do të debutojë për Barcelonën në ndeshjen më të madhe të botës, ndaj Real Madridit - ka njoftuar pak më parë Eurosport. 

Sipas burimeve të televizionit në fjalë është thënë se trajneri i katalonasve, Luis Enrique, ka konfirmuar se ai do të jetë në fushë, mirëpo ka mbetur të vendoset nëse do të nis ndeshjen nga fillimi apo do të futet si zëvendësues më vonë. 

Dy ekipet më të mëdha të botës së futbollit sot do të takohen të shtunën nga ora 18:00 në Santiago Bernabeu. 

Barcelona ende nuk ka pësuar humbje në La Liga dhe është lidere në tabelë me 22 pikë, derisa Real Madrid ka 18 pikë dhe gjindet në pozitën e tretë të klasifikimit, pas Sevillas që gjindet në vendin e dytë.