Sulmohet portieri rus, ndërpritet ndeshja përkohësisht

Përballja ndërmjet Malit të Zi dhe Rusisë, e vlefshme për eliminatoret për EURO 2016, përfundoi shumë më shpejtë se që pritej.

Vetëm 18 sekonda pas fishkëllimës së parë të gjyqtarit, fishekzjarri i hudhur nga tribuna prapa golit, e la në tokë portierin rus, Igor Akinfeev, duke e lënduar rëndë.

Kjo e detyroi gjyqtarin e ndeshjes ta ndërpresë ndeshjen për një kohë, ndërsa ndeshja rifilloi rreth gjysmë ore më vonë, pasi u qetësua situata. Rusia takimin po e vazhdon me portierin e dytë, Yuri Lodigin, i cili u inkuadrua në lojë, derisa portieri i lënduar Akinfeev u dërgua në spital për tretman mjekësor.