YOUNG BOYS 3-2 ZURICH
Super-gol dhe asisti i Kolollit s’mjaftojnë për Zurichun
19 June, 2020 @22:37
Treshja e reprezentacionit të Kosovës, Mirlind Kryeziu, Hekuran Kryeziu dhe Benjamin Kololli kanë qenë startues në duelin që ekipi i tyre Zurich, u mposht në fund nga Young Boysi lider 3-2 [Nsame 32, 81, 85 - Tosin 25, Kololli 38].
Zurichu dy herë ishte në avantazh në këtë ndeshje dhe atë me kontribut direkt të Kolollit, që asistoi në golin e parë dhe shënoi super-gol nga gjuajtja e lirë për 0-1 dhe 1-2.
Mirëpo, forma e jashtëzanoshme e sontme e kamerunasit të liderëve, Jean-Pierre Nsame ka qenë vrasëse për mysafirët. Nsame shënoi hat-trick për t’i shuar shpresat e Zurichut për të nxjerrë pikë nga lideri dhe kështu ata u detyruan të dalin nga fusha kokulur.
Përndryshe nga futbollistët e Kosovës, vetëm Kololli u zëvendësua. Benjamin Kololli luajti 83 minuta, për tu zëvendësuar nga slloveni Bla Kramer.
