THELLOHET REKORDI
Foto: Juventus Official
Super Juventus - 14 radhazi
7 February, 2016 @16:29
Rekordi i thyer në mesjavë me fitoren ndaj Genoas vazhdon të thellohet. Tashmë skuadra e Allegrit ka 14 fitore radhazi në Serie A dhe lufta për titull vazhdon të mbetet tejet interesante.
“Zonja e Vjetër” mposhti Frosinonen në “Stadio Matusa” me rezultat 0-2. Pjesa e parë u mbyll pa gola, përkundër disa rasteve për shënim, ndërsa goli i parë erdhi nga kolumbiani Cuadrado në minutën e 74’ pas asistimit zhagazi të Alex Sandros. Goli i dytë u shënua në fund të takimit nga argjentinasi Dybala.
Kjo fitore bën që Juventusi të ketë 2 pikë më pak se lideri Napoli dhe vjen pikërisht para ndeshjes vendimtare ndaj Napolit, e cila zhvillohet javën tjetër në “Juventus Stadium”.
