Talenti i dështuar, shitet

Skuadra që ra nga Premier League këtë stinor, Cardiff City, ka njoftuar se ka nënshkruar kontratë me sulmuesin italian të Manchester Unitedit, Federico Macheda. 

Ish lojtari i përfaqësueses U-21 të Italisë, Macheda, ka dështuar të tregojë veten te Djajt e Kuq, në vitet e kaluara kështu që me përfundimin e kontratës këtë stinor, prej 1 korriku ai do të jetë pjesë e Cardiff Cityt që udhëhiqet nga Ole Gunnar Solskjaer. 

Macheda kishte eksploduar në vitin 2009 kur nga banka rezervë hyri për të shënuar golat e fitores në ndeshje ndaj Aston Villës dhe Sunderlandit.

Mirëpo, që prej asaj kohe ai nuk arriti të bëj veten për ekipin e parë të Manchester Unitedit duke kaluar si huazim në skuadra tjera.