Talenti kroat, te Chelsea

Sulmuesi i ri kroat, Andrej Kramaric, pritet të jetë përforcimi i parë i Chelseat në afatin kalimtar të janarit. 

Njoftimin lidhur me transferimin e tij e ka bërë të ditur Goal.com, ku përveç tjerash shkruan se Chelsea do të paguajë 10 milionë euro për yllin 23 vjeç të ekipit të Rijekës. 

Nga Kramaric do të përfitojë më shumë ish ekipi i tij, Dinamo Zagreb, që ka në klauzolë të kontratës mbi 50% në të drejtat e shitjes së futbollistit jashtë Kroacisë. 

Zagrebasi i ri ka mesatare të hatashme të golave me Rijekën këtë stinor, duke shënuar 21 gola në 18 xhiro të elitës kroate. Ndërsa 7 të tjerë në Europa League.