Të kualifikuarit nga 4 ligat e forta, direkt në Champions

Shtëpia europiane e futbollit, UEFA, ka bërë të ditur sot, se që nga stinori 2018/19, 4 ligat më të forta europiane do të kenë nga 4 ekipe direkt të futura në fazën grupore të Ligës së Kampionëve.

Kështu, ekipet si Roma: këtë stinor që u eliminua nga Portoja, pastaj edhe City: që u desht të mposht Steauan - nuk do të kenë nevojë për kualifikime, por do të futen direkt në fazën grupore.

Aktualisht, katër ligat më të forta janë: Spanja, Gjermania, Anglia dhe Italia dhe nëse nuk ndërron asgjë deri pas dy stinorëve, këto vende do të kenë gjysmën e ekipeve të Ligës së Kampionëve të rezervuar - që do të vështirësojë edhe më shumë pjesëmarrjen në Ligë të Kampionëve, për ekipet me buxhet të vogël, ose edhe nga vendet që duhet të kalojnë disa raunde për të arritur aty.

Rregulli aktualisht është i shkruar për stinorët 2018/19, 19/20 dhe 20/21.