Test i parë në Durrës, i lehtë për Prishtinën

Prishtina ka zhvilluar sot ndeshjen e parë miqësore në kuadër të kampit përgatitor në Durrës.

Bardhekaltërit e kishin përballë ekipin B të Partizanit, të cilin e mposhtën me rezultat të thellë 5-1.

Partizani ishte e para që shënoi me anë të Ismajlajt (31’), ndërsa më pas për prishtinasit shënuan Januzi (35’), Selmani (58’), Sekiraqa (35’), Maxhuni (81’), Khalid (85’).

Trajneri i Prishtinës Lutz Lindemann pati rastin t’i provojë edhe lojtarët e ri në këtë ndeshje, ndërsa në të dyja pjesët provoi dy skema të ndryshme taktike.

Prishtina ndeshjen e dytë dhe të fundit miqësore në Durrës, do ta zhvillojë të shtunën ndaj skuadrës nga Kategoria e Parë shqiptare, Lushnja.