Hysaj përjashtohet, Napoli në gjysmëfinale

Me fitoren e Napolit është mbyllur sfida e parë çerekfinale e ‘Coppa Italia’.

Napolitanët mposhtën me rezultat minimal 1-0 skuadrën e Fiorentinës, për t’u kualifikuar kështu në gjysmëfinale të Kupës. Golin e fitores e shënoi argjentinasi Jose Maria Callejon në minutën e 71’ të ndeshjes.

Si rrallë herë, me karton të kuq u ndëshkua Elseid Hysaj, mbrojtësi i Kombëtares Shqiptare. Hysaj ishte startues që nga fillimi, ndërsa nga loja u largua për shkak të dy kartonëve të verdhë.

Në gjysmëfinale, Napoli pret fituesin e duelit Milan-Juventus, duel i cili luhet nesër mbrëma.

Në dy çerekfinalet e tjera, të cilat luhen javën e ardhshme, Interi pret Lazion e Roma i shkon Cesenës.