Tottenham fiton dhe shton dallimin në krye të renditjes

Tottenham Hotspur ka çuar në pesë pikë dallimin në krye të Premier Ligës dhe ka vazhduar startin shumë të mirë të stinorit, me fitore ndaj Crystal Palace-it sonte.

Ata morën kontrollin e lojës kur një krosim i James Maddisonit u devijua nga mbrojtësi Joel Ward për epërsi (53’), ndërsa Maddison ishte kyq edhe në golin e dytë, derisa luajti me Brennan Johnson që asistoi te Son Heung-min (66’), që shënoi golin e tetë të stinorit.

Jordan Ayew shënoi bukur në kohën shtesë (90’+4), por ekipi i Crystal Palace-it nuk kishte kohë më shumë, derisa ndeshja përfundoi 1-2 në të mirë të ekipit të drejtuar nga Ange Postecoglou.

Fitorja do të thotë që Tottenham kalon në 26 pikë, 5 më shumë sesa Manchester City dhe Arsenal, që do të mund të ngushtojnë dallimin në pikë me fitoret e tyre potenciale këtë fundjavë.