PAS NDESHJES NDAJ BESËS
Trajneri dhe ndihmës-trajneri i Drenicës në disiplinore nga FFK-ja
23 February, 2021 @17:15
Trajneri i Drenicës dhe ndihmës-trajneri i saj, janë futur në procedurë disiplinore nga KG i FFK-së, për shkak të telasheve pas ndeshjes ku ekipi kuqezi i Skenderajit barazoi me Besën e Pejës, pa gola 0-0.
Sipas KG-së, trajneri Bledar Devolli futet në fushë, dukshëm i frustruar nga rezultati i ndeshjes, ofendon dhe tenton konfrontim me zyrtarët dhe lojtarët e ekipit mysafir.
Ndërsa Skender Mustafa, ndihmës-trajneri i drenicakëve, sulmon futbollistin e KF Besëss, Agon Xhaka, duke e kapur për fyti me dy duar, për të cilën mori edhe karton të kuq.
Tash dyshja do të hetohen nga Komisioni Disiplinor i FFK-së për tu marrë vendimet përfundimtare për këto akte të pahijshme për futbollin.