Tre shtylla, por lufta vazhdon

I dëshpëruar ishte golashënuesi më i mirë i Premier Ligës Harry Kane pas ndeshjes së sontme. Ekipi i tij Tottenham Hotspur nuk ka arritur të mposht West Bromin dhe ka bërë një hap prapa në rrugë për të penguar Leicesterin drejt titullit.

-Ju shkoj titulli nga dora?

“Jo. Nuk ka shkuar. Derisa kemi gjasa, ne do të luftojmë. E deshtëm shumë fitoren sonte, kemi pasur raste, por në fund u dëshpëruam të gjithë,” ka thënë Kane për mikrofonin e Sky.

-Tre herë keni qëlluar shtyllën, goli nuk erdhi…

“Ky është futbolli. Ne do të vazhdojmë luftën tonë. Në pjesën e parë kemi qenë shumë kërkues, ndërsa në të dytën sikur ramë nga loja pak. Por do të luftojmë deri në fund,” ka shtuar ai.

Me barazimin e sotëm, Tottenham i jep mundësi Leicesterit me një fitore nga tre xhirot e fundit të bëhet kampion.