TREPÇA - DRITA
Trepça nuk dorëzohet, s’lejon fitoren e Dritës
10 May, 2017 @18:41
Kanë qenë minutat e fundit të ndeshjes në “Adem Jashari” të Mitrovicës, kur Trepça ka barazuar rezultatin 1-1 përmes mesfushorit të talentuar Ergyn Ahmeti dhe nuk e ka lënë Dritën t’i gëzohet fitores dhe të shpresojë më shumë për largim nga zona e barazhit.
Drita kishte avancuar në fillim të ndeshjes përmes golit të Viktor Kukës, që shënoi heret në takim, ndërsa epërsia u duk e mjaftueshme për gjilanasit që pritnin fitore kah minutat e fundit të ndeshjes.
Sidoqoftë, Trepça mbajti veten në lojë dhe ende shpreson që të mbijetoj duke kërkuar barazhin, derisa ka 6 pikë më pak se Drita dhe aktualisht është e parafundit në klasifikim.
