Udine eliminon Interin, pret Milanin

Trajneri i Interit, Walter Mazzarri, prej këtij momenti është në telashe. Përkundër rezultateve jo të mira në Serie A, nga ai pritej që të nxirrte Interin para potencialisht Milanit në çerekfinale të Kupës së Italisë - gjë që nuk e arriti. 

Ekipi i strategut Francesco Guidolin, Udinese, ka arritur që me një gol të vetëm të shënojë fitore minimale 1-0 dhe të eliminojë neroazzurët nga Kupa. E tash bardhezinjtë nga Udine presin fituesin e ndeshjes Milan-Spezia në çerekfinale, ku nëse nuk ndodh ndonjë befasi e madhe, duhet të jenë rossonerët. 

Braziliani Maicosuel, i cili po e kalon stinorin e dytë në Itali me Udinesen ka shënuar golin e vetëm të ndeshjes në minutën e 32-të për t’ia dhënë fitoren e madhe ekipit të tij dhe kokëdhimbje për Mazzarrin. 

Përndryshe, ky eliminim i Interit nga Kupa është më i hershmi që nga viti 2002 dhe në veçanti këtë stinor pasi që nuk po marrin pjesë as në gara europiane.