Roma në çerekfinale, ndaj Juventusit

Me fitore minimale ndaj Sampdorias pak më parë, Roma ka siguruar kalimin në çerekfinale të Kupës së Italisë dhe duelin gjigant ndaj Juventusit. 

Ka qenë mbrojtësi grek, Vasilis Torosidis, i cili me një gol të shënuar në fillim të ndeshjes ka përcaktuar çerekfinalistin. Belgu i talentuar dhe i posatransferuar te Roma, Radja Nainggolan ka debutuar sonte për Romën. 

Te ekipi i Sampdoria, mbrojtësi shqiptar Shkodran Mustafi nuk ka luajtur fare në këtë ndeshje, duke u lënë gjatë gjithë 90 minutave në bankën rezervë nga trajneri serb i ekipit Sinisa Mihajlovic. 

Juventusi ka eliminuar më parë Avellinon duke e mposhtur 3-0 me ç‘rast pat kaluar në çerekfinale të Kupës. Sonte më vonë ndeshen Udinese dhe Inter, derisa javën tjetër nga katër duele tjera përcaktohen të gjithë çerekfinalistët.